poet

Ishq-E-Butan Ka Jab Se Mujhe Dhang Aa Gaya

ishq-e-butan ka jab se mujhe Dhang aa gaya

hathon se mere dast-e-junun tang aa gaya

kis shauq se ye bazm men kahta hai dil mira

mutrib ke saath ban ke yahan chang aa gaya

Darna abas hai khar-e-mughilan se ab mujhe

manzil men ishq ke kai farsang aa gaya

ji chahta hai phenk duun pahlu se main use

betabiyon se dil ki to main tang aa gaya

manzur shisha-e-dil-e-ashiq hai todna

jo haath men liye hue vo sang aa gaya

pamal tum ne gar dil-e-ashiq nahin kiya

talvon men kyuun na khuun ka phir rang aa gaya

kis tarah log ku-e-butan tak chale gae

mere to har qadam pe vahan sang aa gaya

sun kar ghazal ko meri ‘jamila’ ne ye kaha

is men to sufiyana bhi kuchh rang aa gaya

More Poems

Leave a Comment