is vaste logon ko suna.i nahin dete
ham aah to bharte hain duha.i nahin dete
kuchh dard hain aise ki jo chehre se ayaan hain
kuchh zaḳhm hain aise jo dikha.i nahin dete
vo raste jachte hi nahin ahal-e-dilan ko
vo raste jo abla-pa.i nahin dete
yadon ki hai ik bazm saji ḳhana-e-dil men
is bazm men ghairon ko rasa.i nahin dete
ham log ta.alluq men bahut saaf hain lekin
ham log ta.alluq ki safa.i nahin dete
Leave a Reply