adil-hayat

Har Ek Jawab Ki Tah Mein Sawal Aaega

har ik javab ki tah men saval aaega

gae yugon ke buton ka zaval aaega

hunar ka aks bhi ho aaina bhi ban jaao

phir us ke baad hi rang-e-kamal aaega

harif-e-jan hai agar vo to phir kaho us se

gai jo jaan to dil ka saval aaega

yaqin hai ki milega uruuj ham ko bhi

yaqin hai ki tira bhi zaval aaega

abhi ummid ko mayusiyon ka rang na de

thahar thahar abhi us ka khayal aaega

usi ke shah pe bujhega charagh-e-dil ‘adil’

nihan khulus men jo ishtial aaega

More Poems

Leave a Comment