is tarah pahunchega kaise paya-e-takmil ko
aḳhiri kahta hai kyuun tabut ki har kiil ko
ḳhud zarurat-mand hai rota hai ḳhud tarsil ko
chahiye paighambar apne liye jibril ko
kab se sota hai karo bedar mikhail ko
varna kaafi kaam mil ja.ega izra.il ko
tu ne go koi kasar chhoḌi nahin rabb-e-karim
kaam ye karna paḌega phir bhi israfil ko
shahr ke qanun din men toḌna asan na tha
raat men nikli hai duniya ilm ki tahsil ko
Leave a Reply