is tarah baiThe ho kyuun be-zar se
bhar gaya dil rahat-e-didar se
ashk kya Dhalka tire ruḳhsar se
gir paḌa huun jaise main kohsar se
dar khula to meri hi janib khula
sar paTaḳhta rah gaya divar se
ek din ḳhamosh ho kar dekhiye
lutf gar uThne lage takrar se
dekh lo ye zard ankhen ḳhushk honT
puchhte ho haal kya bimar se
qadr kijiye faiz jis jis se mile
saya-e-divar hai divar se
kal mubada ho yahan viraniyan
Dar raha huun garmi-e-bazar se
jhuuT chalta hai magar ik aadh baar
ai qasida-ḳhvan hazar takrar se
bik rahi hai zindagi ke mol maut
ja.iye le aa.iye bazar se
mangte hain vote is par tantana
pech-o-ḳham nikle nahin dastar se
band kar T v ki ḳhabren be-ḳhabar
chal koi column suna aḳhbar se
dosti ki mahfilen qaa.em rahen
ye dua hai apni palanhar se
tujh men ‘ahmad’ aib hain lakhon magar
vasta hai tera kis sattar se
Leave a Reply