Is Siyah Raat Mein Koi to Sahaara Mil Jae

is siyah raat meñ koī to sahārā mil jaa.e

apne andar hī koī saaya chamaktā mil jaa.e

us ko ik dukh se bachānā bhī zarūrī hai bahut

bas kisī tarah vo ik baar dobāra mil jaa.e

sochtā huuñ ki ab is ghar meñ mirā hai hī kyā

haañ agar rone kī ḳhātir koī konā mil jaa.e

shahr kā shahr hī vīrān paḌā hai kaisā

koī bachcha hī kahīñ shor machātā mil jaa.e

jānte haiñ ki vahāñ lauT ke bhī kyā hogā

ek koshish koī jiine kā bahānā mil jaa.e

Leave a Comment