is shahr-e-sang-dil ko jala dena chahiye
phir us ki ḳhaak ko bhi uda dena chahiye
milti nahin panah hamen jis zamin par
ik hashr us zamin pe utha dena chahiye
had se guzar gai hai yahan rasm-e-qaheri
is dahr ko ab is ki saza dena chahiye
ik tez raad jaisi sada har makan men
logon ko un ke ghar men Dara dena chahiye
gum ho chale ho tum to bahut ḳhud men ai ‘munir’
duniya ko kuchh to apna pata dena chahiye