is hadse ko dekh ke ankhon men dard hai
apni jabin pe apne hi qadmon ki gard hai
aa thoḌi der baiTh ke baten karen yahan
tere to yaar lahje men apna sa dard hai
kya ho ga.iin na jaane tiri garm-joshiyan
mausam se aaj haath siva tera sard hai
tariḳh bhi huun utne baras ki moarriḳho
chehre pe mere jitne baras ki ye gard hai
ai raat tere chand sitaron men vo kahan
bujhte hue charagh ki lau men jo dard hai
‘az.har’ jo qatl ho gaya vo bhaa.i tha magar
qatil bhi mere apne qabile ka fard hai
Leave a Reply