hai aftab aur mire dil ka daagh ek
dekha to bazm-e-ishq men hai ye charagh ek
vahdat hi se zuhur hai kasrat ka dekh le
hain phuul sau tarah ke va-lekin hai baagh ek
jis din se vo khayal men teri kamar ke hai
anqa ka aur dil ka mire hai suragh ek
insaf se baiid hai saqi-e-rozgar
auron ko jaam saikdon mujh ko ayagh ek
laaen kahan se teri si fikr-e-buland ham
‘joshish’ nahin har ek ka dil aur dimagh ek
Leave a Reply