jism meñ ḳhuuñ kī ravānī kā maza aa.egā
ishq hote hī javānī kā maza aa.egā
josh guftār meñ kuchh aur baḌhā lo apne
tab hī kuchh sho.ala-bayānī kā maza aa.egā
aaj ham donoñ nahā.eñge baḌī shiddat se
aaj barsāt ke paanī kā maza aa.egā
bārisheñ vaqt pe khetoñ ko harā kar deñ to
sab kisānoñ ko kisānī kā maza aa.egā
aaj to muuD hai mahfil bhī hai ‘mohsin’-sāhab
aaj añgūr ke paanī kā maza aa.egā