jism men ḳhuun ki ravani ka maza aa.ega
ishq hote hi javani ka maza aa.ega
josh guftar men kuchh aur baḌha lo apne
tab hi kuchh sho.ala-bayani ka maza aa.ega
aaj ham donon naha.enge baḌi shiddat se
aaj barsat ke paani ka maza aa.ega
barishen vaqt pe kheton ko hara kar den to
sab kisanon ko kisani ka maza aa.ega
aaj to muuD hai mahfil bhi hai ‘mohsin’-sahab
aaj angur ke paani ka maza aa.ega
Leave a Reply