Shakeel Shamsi
is ghar men mire saath basar kar ke to dekho
TuuTi hui kashti men safar kar ke to dekho
dharti se bichhaḌne ki saza kahte hain kis ko
tufan men jaziron pe nazar kar ke to dekho
ḳhvabon ko salibon pe saja paoge har su
ankhon ke bayaban se guzar kar ke to dekho
mumkin hai ki neze pe uTha le koi baḌh kar
maqtal ke havale zara sar kar ke to dekho
shayad ke ubhar aa.en gharon ke dar-o-divar
us raakh ko tum ashkon se tar kar ke to dekho
Leave a Reply