kan-ankhiyon par soch parinda baiTha tha
main ne chehra a.ine men dekha tha
lafz na jumle aur na hi koi mafhum
us ne ḳhat likkha lekin kya likkha tha
meri ram-kahani sab ne puchhi thi
mere dil ka dard na koi jaana tha
kya tajdid-e-marasim ka imkan nahin
main ma.asum tha main ne us se puchha tha
qaus-e-quzah ki chhuT bhi phiki paḌti thi
us par ishq ka rang hi gahra chaḌhta tha
jismon men haa.il thi kapḌon ki divar
un ke dilon men fasla lamba chauḌa tha
sab tehvar hi ham ne saath mana.e the
fasl-e-rasa.i men vo ham se bichhḌa tha
tum ne hamare zaḳhmon par marham rakkha
jab ki vajud-e-jan hamara rista tha
suud uTha ke Daala apne khate men
‘iraj’ tere naam ziyan ka sauda tha
Leave a Reply