Poet
is gham-kade se kuchh na laga haath hamare
ah-e-dil-e-sozan hi chali saath hamare
dard-o-gham-o-andoh-o-alam nala-e-jan-kah
hain dushman-e-jani sabhi yak zaat hamare
jis ghaat se dil tu ne liya yaar hamara
afsos ki haath aai na vo ghaat hamare
khatra na karo aao milo shauq se pyare
jo samjhe ho dil men nahin vo baat hamare
kya ham ne bigada falak-e-sifla ka ‘joshish’
kyuun darpai-e-iza hai ye din raat hamare
Leave a Reply