Basir Sultan Kazmi
is fikr-e-rozgar men sab khap gaya dimagh
ab sha.iri ko chahiye ik dusra dimagh
ab koi baat Thiik se rahti nahin hai shab
vo dil kahan chala gaya aur kya hua dimagh
uTha jo ye saval ki salis kise bana.en
main ne kaha ki dil sahi us ne kaha dimagh
tha dil to chiiz kya saf-e-mizhgan ke samne
is ma.arke men shukr ye hai bach gaya dimagh
‘basir’ ye aadmi bhi hai kitni ajiib chiiz
itne se us ke sar men hai kitna baḌa dimagh
Leave a Reply