Poet
is ek baat pe mushkil men jaan hai koi sune
ki chup hai aur karan-ta-karan hai koi sune
sada yahi hai ki taran ke harf sunne do
magar koi nahin sunta fughan hai koi sune
jo nazm bhi hai mohabbat ki nazm lagti hai
ki jism-o-jan men mohabbat javan hai koi sune
chala gaya hai magar us ke pairahan ki shamim
ye kah rahi hai vo ab tak yahan hai koi sune
kamal-e-sub.h ke badle hayat mumkin hai
ye baat sher ki surat ayaan hai koi sune
bahut baḌa bhi hai ‘bedi’ ye ret ka sahra
safar isi liye ik imtihan hai koi sune
Leave a Reply