Poet
is daur-e-gham men shoḳh tabi.at kahan se laa.en
har vaqt muskurane ki aadat kahan se laa.en
rahat ho jis men aisi aziyyat kahan se laa.en
dozaḳh men rah ke ishrat-e-jannat kahan se laa.en
un ke baghair gham ki masarrat kahan se laa.en
ik nuur men Dhali hui zulmat kahan se laa.en
un ki mohabbat un ki inayat kahan se laa.en
ai zindagi tire liye jannat kahan se laa.en
vo a.enge zarur hamen bhi yaqin hai
lekin ab intizar ki taqat kahan se laa.en
Leave a Reply