Ram Riyaz
is Dar se ishara na kiya honT na khole
dekhe ki na dekhe koi bole ki na bole
patthar ki tarah tum ne mira sog manaya
daman na kabhi chaak kiya baal na khole
main ne sar-e-girdab ka.i baar pukara
sahil se magar log baḌi der se bole
main alam-e-tanha.i men nikla huun safar par
phir gardish-e-ayyam kahin saath na ho le
ham kohna rivayat ke mujrim hain ki ham ne
insan kabhi sone ki tarazu men na tole
phir ‘ram’ yahan chup ko bahut der lagegi
ji khol ke hans le abhi ji khol ke ro le
Leave a Reply