irade kya hue lambe hamare
qadam paḌte nahin chhoTe hamare
baḌha hai darmiyan ye pyaar jab jab
hue hain kis qadar jhagḌe hamare
samajhta tha baḌa ma.asum us ko
uḌe hain ishq men tote hamare
lagi hai shart dekhega palaT kar
hue sab ta.aziye ThanDe hamare
yahin to dekhna hai vaqt-e-mushkil
rahenge saath men kitne hamare
shajar ki chashni us men ghuli hai
samar koi nahin phike hamare
bulate hain tumhen din-rat kitna
qarine se saje kamre hamare
le aa.i ik jagah par ham ko qudrat
hue hain duur sab ḳhadshe hamare
chali hai vaqt ne ye chaal kaisi
piTe ik baar men mohre hamare
yahi sach tha safar se vapsi ka
kabhi vapas nahin lauTe hamare
Leave a Reply