mera dukh mera abai makan hai
so
meri beti
jahan se tere jism ki ek buund ko mahfuz rakhe hue
main anjane safar par nikla
aur zamin bhar ke tamam dukhon men umr bhar safar karta raha
meri beti
tu ne in laltenon ke maazi ko nahin dekha
jin men har raat koi na koi aurat raushan hoti aur phir bujh jaati
aur bujhi hui aurat dobara kabhi raushan nahin hui
mohabbat ne pedon ko aur pedon ne parchhaiyon ko janam diya
agar koi bujhi aurat dobara raushan ho jaati
to mohabbat us ke ped aur us ki parchhaiyon ko
yakja kar ke ek nai duniya banai ja sakti thi
meri beti
tu ne edison ke bulb ke zamane
us ki raton aur us ki parchhaiyon ke darmiyan janam liya
phir tu ne kisi na kisi raat aur is ki parchhain ko samet ke
fuse hote hue bulb ko zarur dekha hoga
magar kya tu dekh sakti hai
ki jab edison ka koi bulb fuse hota hai
to us ke hisse ki raat bhi us men fuse ho jaati hai
aur fuse hone vaali raat dobara zamin par kabhi hui hi nahin
meri beti
tu ne apni maan ke batn se janam lene vaali
apni dedh maah ki bahan ko marte hue nahin dekha
ki jab us ke hisse ki raat us ke bulb
to us ke hisse ki raat bhi us men fuse ho jaati hai
aur fuse hone vaali raat dobara zamin par kabhi hui hi nahin
meri beti
tu ne apni maan ke batn se janam lene vaali
apni dedh maah ki bahan ko marte hue nahin dekha
ki jab us ke hisse ki raat us ke bulb
aur is ki parchhain bhi
us ki nannhi qabr men dafn ho gai thi
meri beti
zara dekh to sahi zamin par kitna vaqt guzar chuka
aur kitna vaqt guzarne ko baaqi hai
agar tu apne dil se mere dil tak ek raah bana sake
to is men der na kar
phir raah se raah bana
aur har us nadi men utar ja
jo tere baap ki umr bhar ke ansuon se bani hui ankhon
aur un se bane hue dukhon se bahti hui aai hai
meri beti
har nadi ka intizar karte hue samundar men utar ja
samundar mera dil hai
us dil men kuchh ghadi ruk ke zara dekh
ki tujh men ab tak kitna zinda huun
so is se pahle ki
main tere dekhte dekhte mar jaun
samundar men utar ja
Leave a Reply