Poet
ila ya shah-e-khuban kijiye shaad
hue jaate hain ashiq gham se barbad
hamen tum yaad ho har lahza lekin
hamari bhi kabhi to kijiye yaad
giraftar-e-bala balae tu yaar
gham-e-dauran se hain juun sarv azad
agar laila hai tu majnun hain ham
vagar shirin hai tu ham hain farhad
vahi irad kar sakta hai akhir
kiya hai jis ne avval ham ko ijad
kisi shai ko durust-o-chust daaem
na dekha dar-jahan-e-sust buniyad
sher hai ashk-e-chashm-o-lakht-e-dil se
uthaya chahiye ham-ab o ham-zad
gul-e-tar khaar se samjhen batar-tar
jo dekhen andaliban rote sayyad
gulu-e-gul to pakde akhir-kar
gae kab raegan bulbul ke fariyad
abas karte ho bahr-e-tark takrar
azizo huun main dukht-e-raz ka damad
nahin jis rose miad amad-e-yar
vahi ham jante hain roz-e-miad
bahut farzana the divane ham ko
banae shokh tiflan-e-pari-zad
hamal mirrikh mashuqon ne mera
kiya hai sar juda az tegh-e-be-dad
hazaran shukr mulk-e-sindh men bhi
mira maskan hai shahr-e-hyderabad
janab haidar-e-safdar se ‘matam’
talab auqat-e-mushkil men kar imdad
Leave a Reply