idhar-udhar jo charagh TuuTe paḌe hue hain
salam un ko ye andhiyon se laḌe hue hain
dikha rahe hain hamen jo apna phula ke siina
hamen pata hai ye kis ke bal par khaḌe hue hain
gale milane ki sulh ki ho pahal kidhar se
abhi to donon hi apni zid par aḌe hue hain
haqiqaten sab dabi hui hain unhi ke niche
siyasi logon ne aise qisse ghaḌe hue hain
dikha.i dene lage hain rishte tamam baune
abhi to sahab kama ke daulat baḌe hue hain
Leave a Reply