Ibtida Kitni Mohabbat Ki Hasin Hoti Hai

Poet

ibtida kitni mohabbat ki hasin hoti hai

zindagi ḳhvab pe ma.il-ba-yaqin hoti hai

atish-e-rashk se jalta hai dil-e-dard-navaz

koi uftad agar aur kahin hoti hai

asl iman hai mohabbat jise qismat se mile

kaun kahta hai ki ye dushman-e-din hoti hai

karvaTen dard badalta hai ḳhuda ḳhair kare

ek kasak aur na.i dil ke qarin hoti hai

‘ashk’ ankhon men hain gar ahl-e-mohabbat ki to kya

choT lagti hai jahan Tiis vahin hoti hai