Mahboob Khizan
husn se haT ke mohabbat ki nazar jaa.e kahan
koi manzil na mile rahguzar jaa.e kahan
tum bahut duur ho ham bhi koi nazdik nahin
dil ka kya Thiik hai kam-baḳht Thahar jaa.e kahan
dekhiye ḳhvab-e-sahar chaTiye divar-e-azal
raat jaati nazar aati hai magar jaa.e kahan
ruḳh-e-sahra hai ‘ḳhizan’ ghar ki taraf muddat se
ham jo sahra ki taraf jaa.en to ghar jaa.e kahan
Leave a Reply