Tahir Azeem
ye jo shisha hai dil-numa mujh men
TuuT jaata hai bar-ha mujh men
main tire hijr ki giraft men huun
ek sahra hai mubtala mujh men
man mahakta hai kis ki ḳhushbu se
kaun rahta hai phuul sa mujh men
kitne lamhat ka tha ik lamha
zindagi bhar ruka raha mujh men
us ki ankhon ke band TuuT ga.e
aur sailab aa gaya mujh men
jab bhi apni talash ko niklun
lauT aata hai rasta mujh men
iḳhtilafat zehn-o-dil men the
ik tasadum sada raha mujh men
Leave a Reply