poet

Chaman Ka Haal Sunao Ki Raat Kat Jae

chaman ka haal sunao ki raat kat jaae

tamam raat rulao ki raat kat jaae

junun o aql shanasa darida-dil logo

kuchh apni apni sunao ki raat kat jaae

taras gai hain nigahen kiran kiran ke liye

koi sahar ko batao ki raat kat jaae

bichhadne valon ki vo bolti hui anhken

mujhe na yaad dilao ki raat kat jaae

andhera raat ka jaane ho khatm kab ‘uzma’

sahar ka khvab dikhao ki raat kat jaae

More Poems

Leave a Comment