Asrarul Haq Majaz
mujh se mat puchh ”mire husn men kya rakkha hai”
aankh se parda-e-zulmat utha rakkha hai
meri duniya ki mire gham se jahannam-bar-dosh
tu ne duniya ko bhi firdaus bana rakkha hai
mujh se mat puchh ”tire ishq men kya rakkha hai”
soz ko saaz ke parde men chhupa rakkha hai
jagmaga uthti hai duniya-e-takhayyul jis se
dil men vo shola-e-jan-saz daba rakkha hai
Leave a Reply