Poet
husn ki sham.a ka huun parvana
ḳhalq kahti hai mujh ko divana
naqsh-e-pa par ga.e kiye sajde
kis qadar hosh men tha divana
hosh jaate rahenge jaane do
tum sunoge hamara afsana
teri mahfil se uTh ke jaate hain
ab basa.enge koi virana
jis ne rakkha qadam mohabbat men
aql se ho gaya vo begana
teri ankhon ke kaif se saaqi
raqs men hai tamam mai-ḳhana
bada-e-gham ne bhar diya ‘jauhar’
zindagani ka meri paimana
Leave a Reply