Syed Hamid
ham se vo be-ruḳhi se milta hai
ji ko paigham ji se milta hai
ham ko bavar na tha adavat ka
silsila ashiqi se milta hai
rishta-e-irtiqa-e-insani
zehn ki tishnagi se milta hai
dast-e-taḳh.il ko koi daman
baḳht ki yavari se milta hai
dosti aur dushmani ka maza
dost ki dushmani se milta hai
zauq baḌhta hai ashna.i ka
jab vo beganagi se milta hai
ruḳh ko taz.in ka naya pahlu
aap ki be-ruḳhi se milta hai
hai vo milta hi kis liye ‘hamid’
ham se jo be-dili se milta hai
Leave a Reply