Kunwar Bechain
ham se mat puchho ki ik vo chiiz kya donon men hai
jo milata hai hamen vo fasla donon men hai
us ke milne ki ḳhushi ho ya bichhaḌ jaane ka gham
hosh rahta hi nahin aisa nasha donon men hai
us ki ankhen kaan hain aur meri ankhen bhi hain honT
apni apni kahne sunne ki ada donon men hai
giit ke sanche men Dhalun ya ghazal ke ruup men
par tire hi naam ka ik qafiya donon men hai
yuun kisi avaz ka chehra nahin hota magar
jis men avazen dikhen vo aa.ina donon men hai
is ko astikta kaho chahe nastikta ‘kunvar’
donon ḳhat us ke hi hain us ka pata donon men hai
Leave a Reply