Humse Diwanon Ko Asri Aagahi Dasti Rahi

ham se dīvānoñ ko asrī āgahī Dastī rahī

khokhlī tahzīb kī farzāngī Dastī rahī

sho.ala-e-nafrat to bhaḌkā ek lamhe ke liye

muddatoñ phir shahr ko ik tīrgī Dastī rahī

maut kī nāgin se ab hargiz vo Dar saktā nahīñ

jis ko saarī umr ḳhud ye zindagī Dastī rahī

maiñ na jaane kitne janmoñ kā huuñ pyāsā dosto

rah ke dariyā meñ bhī mujh ko tishnagī Dastī rahī

aap ke hoñToñ pe jo muddat se hai chhā.ī huī

dard meñ Duubī huī vo ḳhāmushī Dastī rahī

ek tum ho dushmanī bhī raas aa.ī hai jise

aur ik maiñ huuñ ki jis ko dostī Dastī rahī

har ghaḌī chehre pe jo chehre lagātā hī rahā

umr bhar us ko ‘asad’ be-chehragī Dastī rahī

Leave a Comment