Abdul Hamid Adam
ham se chunan-chunin na karo ham nashe men hain
ham jo kahen nahin na karo ham nashe men hain
nashsha koi dhaki-chhupi tahrik to nahin
har-chand tum yaqin na karo ham nashe men hain
aisa na ho ki aap ki banhon men aa giren
ankhon ko khashmagin na karo ham nashe men hain
baten karo nigar o bahar o sharab ki
azkar-e-shar-o-din na karo ham nashe men hain
ye vaqt hai ‘adam’ ki tavazoa ka sahibo
tang apni astin na karo ham nashe men hain
Leave a Reply