furqat ka fusun phail gaya shaam se pahle
anjam nazar aata hai anjam se pahle
ham jaur-o-sitam sah ke bhi shikva nahin karte
aur morid-e-ilzam hain ilzam se pahle
is vaste siine se lagaya hai tira gham
milti nahin rahat kabhi alam se pahle
ai dost gavara hai mujhe ishq men sab kuchh
kuchh aur bhi kah lijiye badnam se pahle
taslim hai rusva.i sabab is ka hua kaun
ankhon men nami aa.i tire naam se pahle
kho baiTha huun sab hosh-o-ḳhirad ek nazar men
aisa hi ḳhumar aaya mujhe jaam se pahle
didar ke talib the ‘nazar’ ho ga.e mahrum
divar thi ashkon ki dar-o-bam se pahle
Leave a Reply