Poet
ham ne sikha hai mohabbat karna
ek ik dil pe hukumat karna
ham bhi tariḳh badal sakte hain
shart hai himmat-o-jur.at karna
zeb deta nahin insanon ko
kisi insan ki ibadat karna
rakh ke ḳhud apni zarurat ko udhar
puuri auron ki zarurat karna
shab ki tariki men sikha ham ne
chand taron ki tilavat karna
aḳhiri saans talak jivan ki
mard ki shaan hai mehnat karna
farz se haj ke hai afzal ‘hafiz’
buḌhe maan baap ki ḳhidmat karna
Leave a Reply