Sufi

Aaj Yun Hasti-e-Imkan-O-Guman Se Nikle

aaj yuun hasti-e-imkan-o-guman se nikle

Duub kar jaise makan sail-e-ravan se nikle

ratjage bolne lagte hain miri ankhon men

ru-ba-ru harf na jab koi zaban se nikle

shakh-e-hasti se na ud jaae kahin tair-e-jan

jab talak tiir kisi shokh kaman se nikle

sab gulab apne hi lagte hain chaman men lekin

koi to apna saf-e-lala-rukhan se nikle

khana-e-dil men utara to hai suraj ‘fakhir’

kaun rokega agar dhuup makan se nikle

More Poems

Leave a Comment