ham ne ai dost rifaqat se bhala kya paaya
ju-e-be-ab hai tu main shajar-e-be-saya
dard jo aql ke israf se bach rahta hai
ishq ke qaht-zadon ka hai vahi sarmaya
dida-o-dil se guzarta hai koi shaḳhs aksar
jaise ahu-e-ramida ka gurezan saaya
kal faqat gesu-e-barham the nishan-e-tashvish
aaj dekha to unhen aur pareshan paaya
husn se jab bhi chhiḌa marka-e-dida-o-dil
ḳhud mira ishq mire madd-e-muqabil aaya
main huun ḳhud apni hi ḳhakistar-e-jan men madfun
dafn ho jaise ḳharabe men koi sarmaya
Leave a Reply