ab to ik pal ke liye bhi na ganva.enge tumhen
ḳhud ko harenge magar jiit ke la.enge tumhen
ham ko patthar ke pighalne ka amal dekhna hai
Dubte Dubte avaz laga.enge tumhen
dil pe ik bojh hai kuchh soch ke Dar lagta hai
qissa-e-dard kabhi aur suna.enge tumhen
zahiri ankhen hamen DhunDh kahan pa.engi
chashm-e-batin se jo dekho nazar a.enge tumhen
hain abhi paas bahut paas magar sach kahna
duur ho jaa.en to kya yaad na a.enge tumhen
Leave a Reply