Ab to Ek Pal Ke Liye Bhi Na Ganwaenge Tumhein

ab to ik pal ke liye bhī na gañvā.eñge tumheñ

ḳhud ko hāreñge magar jiit ke lā.eñge tumheñ

ham ko patthar ke pighalne kā amal dekhnā hai

Dūbte Dūbte āvāz lagā.eñge tumheñ

dil pe ik bojh hai kuchh soch ke Dar lagtā hai

qissa-e-dard kabhī aur sunā.eñge tumheñ

zāhirī āñkheñ hameñ DhūñDh kahāñ pā.eñgī

chashm-e-bātin se jo dekho nazar ā.eñge tumheñ

haiñ abhī paas bahut paas magar sach kahnā

duur ho jaa.eñ to kyā yaad na ā.eñge tumheñ

Leave a Comment