Nazm Tabatabai
kya kahen kis se pyaar kar baiThe
apne dil ko figar kar baiThe
sabr ki ik qaba jo baaqi thi
us ko bhi taar taar kar baiThe
aaj phir un ki aamad aamad hai
ham ḳhizan ko bahar kar baiThe
vaa.e us but ka va.ada-e-farda
umr bhar intizar kar baiThe
ḳhud jo gham hain to aa.ina hairan
kis ghazab ka singhar kar baiThe
ham tahi-dast tujh ko kya dete
jaan tujh par nisar kar baiThe
Leave a Reply