ham ne adab-e-gham ka paas kiya
naqd-e-jan ko ziyan qayas kya
ziist ke tajrabat ka ham ne
misl-e-a.ina in.ikas kiya
ḳhabar-e-agahi ke parde men
umr bhar matam-e-havas kiya
tohmat-e-sho.ala-zaban le kar
surat-e-zaḳhm iltimas kiya
kaise ik lafz men bayan kar duun
dil ko kis baat ne udaas kiya
aa gaya jab saliqa-e-ta.mir
qasr-e-hasti ko be-asas kya
kyuun ‘sahar’ tum ne apne sahra ko
mauj-e-dariya se ru-shanas kiya
Leave a Reply