ham un ke sitam ko bhi karam jaan rahe hain
aur vo hain ki is par bhi bura maan rahe hain
ye lutf to dekho ki vo mahfil men miri samt
nigran hain ki jaise mujhe pahchan rahe hain
ham ko bhi to vaa.iz hai bad o nek men tamiz
ham bhi to kabhi sahib-e-iman rahe hain
mumkin hai ki ik roz tiri zulf bhi chhu len
vo haath jo masruf-e-gareban rahe hain
ye sach hai ki bande ko ḳhuda dahr men yuun to
maana nahin jaata hai magar maan rahe hain
vo aa.e hain is taur se ḳhalvat men mire paas
jaise ki na aane pe pasheman rahe hain
Leave a Reply