tumhari diid ki khatir miri ankhen tarasti hain
ki jab barish barasti hai
tumhari baat kanon men ajab ras ghol deti hai
ki barish ke hasin qatre mire rukhsar par aae
tumhen vo phuul lagte the
kaha tu ne
unhen main chuum leta huun
miri sharm-o-haya us dam badi bebak hoti thi
kamar men haath daale ham
bahut hi der tak bhige
kaha main ne
tumhari sharbati ankhen
mujhe madhosh karti hain
tumhare lams ka badal
mujhe pur-josh karta hai
tumhare pyaar ki barish
badi jal-thal si karti hai
mujhe pagal sa karti hai
Leave a Reply