faqir mauji ḳharab halon ka kya banega
ye ishq karti udaas naslon ka kya banega
hamare purkhon ne ham se behtar guzar li hai
main sochta huun hamare bachchon ka kya banega
hamare jismon ka ḳhaak hona to Thiik hai par
tumhari ankhon tumhare honTon ka kya banega
hamen to rone men koi diqqat nahin hai lekin
vo puchhna tha ki rone valon ka kya banega
mazaq uḌate hain log farzi kahaniyon ka
ki sidhe-sade se un buzurgon ka kya banega
talash karti hain is badan ki basharaton ko
haqir sochon haris banhon ka kya banega
vo husn aise hi ḳharch hota raha to sahir
hamari nazmon hamari ghazlon ka kya banega
Leave a Reply