ajab talash-e-musalsal ka ikhtitam hua
husul-e-rizq hua bhi to zer-e-dam hua
tha intizar manaenge mil ke divali
na tum hi laut ke aae na vaqt-e-sham hua
har ek shahr ka meaar mukhtalif dekha
kahin pe sar kahin pagdi ka ehtiram hua
zara si umr adavat ki lambi fehristen
ajiib qarz virasat men mere naam hua
na thi zamin men vusat miri nazar jaisi
badan thaka bhi nahin aur safar tamam hua
ham apne saath liye phir rahe hain pachhtava
khayal laut ke jaane ka gaam gaam hua