ankhon ko mayassar koi manzar hi nahin tha
sar mera gareban se bahar hi nahin tha
be-faiz hava.en thiin na saffak tha mausam
sach ye hai ki us ghar men koi dar hi nahin tha
sar chain se rakkha na ruke paanv ke dil men
ik baat bhi paivast thi ḳhanjar hi nahin tha
ham haar to jaate hi ki dushman ke hamare
sau pair the sau haath the ik sar hi nahin tha
sahra men vo sab kuchh tha jo tha shahr men apne
ik nafa o nuqsan ka daftar hi nahin tha
hathon pe dhara sar ko ‘suhail’ aur chale ham
ab baab koi aur mayassar hi nahin tha
Leave a Reply