dekha nahin chand ne palaT kar
ham so ga.e ḳhvab se lipaT kar
ab dil men vo sab kahan hai dekho
baghdad kahaniyon se haT kar
shayad ye shajar vahi ho jis par
dekho to zara varaq ulaT kar
ik ḳhauf-zada sa shaḳhs ghar tak
pahuncha ka.i raston men baT kar
kaghaz pe vo nazm khil uThi hai
ug aaya hai phir daraḳht kaT kar
‘babar’ ye parind thak ga.e the
baiThe hain jo ḳhaak par simaT kar
Leave a Reply