ye alag baat ki taklif baḌha deta hai
aa.ina mujh ko magar mujh se mila deta hai
ik taraf aankh ki nindon ke liye pagal hai
ik taraf ḳhvab jo nindon ko uḌa deta hai
ishq ne phir se pukara to khula hai ham par
hijr avaz badal kar bhi sada deta hai
mujh ko sailab se bachne ki dua de kar vo
ansuon ko miri taqdir bana deta hai
kaun paani men Dubo deta hai jalta suraj
kaun is paani men mahtab saja deta hai
sunnat-e-‘qais’ ka paband huun varna yaaro
ik naya ishq mujhe roz sada deta hai
Leave a Reply