ye alam-e-vahshat hai ki dahshat ka asar hai
daman ki ḳhabar hai na gareban ki ḳhabar hai
dil toḌne vaale ye tujhe kuchh bhi ḳhabar hai
allah ka ghar hai are allah ka ghar hai
dekhoge jo halat pe thoḌi si nazar hai
har shaḳhs ghulam-e-asar-o-banda-e-zar hai
do-char qadam chal ke Thaharte nahin rahrav
taz.hik-e-manazil hai ye tauhin-e-safar hai
kitne hi uluum is men hain poshida-o-darkar
ye sher-o-suḳhan khel nahin ‘taj’-e-hunar hai
Leave a Reply