dukh men niir baha dete the sukh men hansne lagte the
sidhe-sade log the lekin kitne achchhe lagte the
nafrat chadhti andhi jaisi pyaar ubalte chashmon sa
bairi huun ya sangi sathi saare apne lagte the
bahte paani dukh-sukh banten ped bade budhon jaise
bachchon ki aahat sunte hi khet lahakne lagte the
nadiya parbat chand nigahen maala ek kai daane
chhote chhote se angan bhi koson phaile lagte the
Leave a Reply