ham un ke naqsh-e-qadam hi ko jaada karte rahe
jo gumrahi ke safar ka iaada karte rahe
kai savab to nisyan men ho gae ham se
gunah kitne hi ham be-irada karte rahe
na sirf ahl-e-khirad hi ka ham pe ehsan hai
ki ahmaqon se bhi ham istifada karte rahe
kuchh is saliqe se guzri hai zindagi apni
har ek tiir pe ham dil kushada karte rahe
mire giroh ka rishta hai us qabile se
jo zindagi ka safar pa-piyada karte rahe
hua hai aisa ki farigh iradatan bhi kabhi
ham apni raah men kante ziyada karte rahe
Leave a Reply