abdullah-kamal

Ana Rahi Na Meri Mutlaq-Ul-Inani Ki

ana rahi na miri mutlaq-ul-inani ki

mire vajud pe ik dil ne hukmarani ki

karam kiya ki bikharne diya na us ne mujhe

mire junun ki hifazat ki mehrbani ki

pahad katna ik mashghala tha bachpan se

kade dinon men bhi teshe si naujavani ki

badan ki udne ko par taulta parinda sa

kisi kaman si chadhti nadi javani ki

‘kamal’ main ne to dar se diye uthae nahin

uthai us ne hi divar bad-gumani ki

More Poems

Leave a Comment