Poet
hai faiz-e-am par saa.il kahan hai
lahu girne ko hai qatil kahan hai
tilism-e-dasht ka maara hai majnun
sarab-e-chashm hai mahmil kahan hai
talab ki intiha hi ibtida hai
nazar aati hai jo manzil kahan hai
sitaron se bhi aage aa ga.i huun
meri parvaz ka hasil kahan hai
gul-e-nargis ne puchha raat mujh se
tiri ankhon men tha jo til kahan hai
main a.inon men ghir kar rah ga.i huun
mira chehra to hai par dil kahan hai
Leave a Reply